كفايه صار لك شهرين !!!!!!

كفايه صار لك شهرين غايب عني يالغالي
كفايه يا أعز الناس ترا والله ما أقدر
دخيلك لا تخيب فيك هذواتي و آمالي
و إذا إنها عالصبر و الله و غلاتك عندي راح أصبر
أبا أتحمل عناء فرقاك وحالي يرثي لحالي
مع إني والله لين اليوم مدري ليش مستهجر
أبا أعرف شالسبب أرجوك ويش إللي بس يجرالي
أنا شسويت يا ربي عشان تثور و تتفجر
أنا و الله ما استاهل أبد كل إللي يجرالي
أقل ما فيها بس قلي سبب خلاك تتغير
أبا أعرف بس شالموضوع علامك صرت ما تبالي
في ذمتك الأهل في يوم شفتني في شي أنا مقصر
عطيتك قلبي و روحي وهبتك حالي و مالي
حملت إحساس ها الدنيا و عطيته لك و أنا أفخر
عشقتك عشق لا قبله ولا بعده انعشق تالي
هويتك مووت و تخيل إلين الموت و تصور
و إذا جاني مسج منك مخزن رقمك الغالي
ولا أمسح رسالاتك أتم أقراها و أفكر
و أحلل كل كلمة بالمسج الله يا غربالي
و أقول بخاطري معقوله حاسس فيني و يشعر؟؟؟!
و أرد أقول : لا يمكن تذكرني وهو ساهي
لأني توني مطرش مسج طرش مسج يشكر
و أرد أقول : لا أدري يبيني و حاسس بحالي
و أرد أقول : لا ما أظن على باله أنا أخطر
إلين إني أنا تأكدت قلبه بالفعل خالي
ولا غيري أنا بقلبه يحبني موت و يقدر
لأني مرة من المرات طرت فكرة على بالي
نويت أزعل بدون أسباب و أشوفه لو بيتأثر
أبا أعرف قدري بقلبه يهمه وضعي الحالي
أو إنه راح يطنشني ولا يسأل و يستفسر
وفعلا دق ما جاوبت حرق لي و الله جوالي
ثلاثة آلاف مرة دق و أنا مطنش ولا معبر
كتبلي ف المسج اطلع أنا عند بابك الحالي
قسم بالله ما تطلع لخربها أنا و احدر
ومشكلتي أعرفه زين يسويها و لا يبالي
نزلت و خاطره مسكور يقول إيش فيك متغير؟؟
و قلت له : بس أبا أتأكد إذا قدري معك عالي
ضحك لي و قال لي : اتأكدت و دمعه بلل المحجر
وطارت فيني الدنيا لمكاني صاحبي جاني
تعذر لي و أنا الغلطان و أنا إللي لازم أتعذر
بعدها عشنا أحلى أيام في قربه هنيالي
و صلنا لمرحلة ما نفترق عن بعضنا و أكثر
بعدها فجأة خلاني ولا يسأل عن أحوالي
و أنا ف خاطري أدري محال في يوم يتغير
أدق له ما يجاوبني بديت اشك في حالي
أخاف إنه حصل له شي أخافه بس متكدر
لعب ف قلبي الوسواس خياله ما تهيالي
حوالي ألف مسج طرشت حبيبي يا عسى ما شر
ولا جاوب و أنا قاعد على أعصابي و غربالي
حبيبي صار له أسبوع فيني حتى ما فكر
إلين إني عرفت شلون أخلي خلي الغالي
يكلمني و جت فكرة بعد ما مت و أنا أفكر
وفعلا اتصل فيني وبدت أحزاني و أقوالي
وكانت صدمتي كبيرة علي الغالي يتكدر
وكانت صدمتي كبيرة علي الغالي يتغير
سألته قلت له : ويش فيك ما من شر يالغالي
ويش إللي صار بالدنيا علامك ليش متبعثر
أو إنك يعني ما تدري بدونك صرت أنا لحالي
ولا لي خلق أي إنسان كثر ما فيك أنا أفكو
وجاوبني وقال ارجوك أبي ه الدنيا تصفالي
أنا مليت من وضعي و أشوف الكل متغير
أنا ضاقت بي الدنيا و أبي أبقى أنا لحالي
خلاص اتركني لا تسأل و أنا برجع عقب اشهر
وقلت له: مو علي تكذب أعرفك تضعف بقبالي
تكلم قول شالموضوع بدا قلبي يدق أكثر
سكت لحظة و قال : أرجوك ابعد عني يالغالي
و خلني أذكرك بالخير و إنت مثلي اتذكر
ولا اطرش مسج واحد و لا دق لي أبد تالي
و إذا لي خاطر عندك لا تتكلم أبد اسكر
و قلت له : و الله ما اسكر إلين تقول و تصفالي
و قال لي : و الله ما أتكلم و لو تبكي دمع أحمر
و لكن شوف ربعك و إنت تعرف بس ويش جاني
خلاص افهمها ع الطاير لا تحرجني بعد أكثر
و اسكر و الدمع فيني على الخدين همالي
قسم بالله ما أدري علامه قلبه اتحجر
فؤادي انهار و أنا حملي يهد جبال و جبالي
في لحظة صارت الدنيا في عيني هالكبر و أصغر
حسافه ما توقعته يصدق فيني عذالي
حسافه ما هجيته يوم يصد عني و يتغير
بعدها صار لي ما صار و ربي يعلم بحالي
فؤادي باقي بس شوي و أحسه من الجسم يظهر
بديت اعرق مدري ليش و خابت كل آمالي
أنا توقعت كل الناس ولا توقعت هو ينكر
وقلت بخاطري: خله مصيره يرجع الغالي
أكيد إنه سمع أي شي و جوه صار متعكر
ولكن طول غيابه وزادت فيني اعلالي
مرض قلبي تعب فكري و أحس جسمي متخدر
و قلت : خلني أطرش له مسج و أشكي له أحوالي
و طرشت المسج و شوي دق لي و بدون ما أفكر
هلا و الله يا أغلى الناس هلا و الله بالغالي
ألو طارق ما قلت لك لا تذكرني أو أذكر
أبي بس أذكرك بالخير ياخي خلني في حالي
و قلت و خاطري مكسور : أنا آسف و ما أكرر
قسم بالله لين اليوم و حالي يرثي لحالي
قسم بالله لين اليوم و لا أدري ليش هو تغير
قسم بالله ما غطت عيوني و لا هدأ بالي
قسم بالله ما مر يوم إلا و فيه أنا أفكر
قسم بالله قلت: بنساه بس طيفه يتهيالي
قسم بالله لو حاولت أنا أنساه أتذكر
إلين اليوم أنا عندي أمل يرجع و يصفالي
أقول الشوق بيرده على فرقاي ما يقدر
إلين اليوم و ضحكاته و بسماته على بالي
إلين اليوم ما أرقد كثر ما فيه أنا أفكر
أبا أعرف شالسبب أرجوك ويش إللي بس يجرالي
أنا شسويت يا ربي عشان تثور و تتفجر
أنا و الله ما أستاهل أبد كل إللي يجرالي
أقل ما فيها بس قلي سبب خلاك تتغير
أبا أعرف بس شالموضوع علامك صرت ما تبالي
في ذمتك الأهل في يوم شفتني في شي أنا مقصر
أنا راح أنتظر ردك ولو حتى بمسج خالي
و إذا ما جاني منك الرد و غلاتك عندي راح اصبر
سنة سنتين إللي يهم أشوفك ثاني و قبالي
ثلاث سنين أو أربع أبا أصبر يعني راح أصبر
ولكن حكم إحساسك و جاوب يا أغلى كل غالي
في ذمة والديك يهون تنساني ولا تذكر
يهون إنك تخليني و لا تسأل و لا تبالي
يهون إنك تنام الليل و تتركني أنا أسهر
كفايه صار لك شهرين غايب عني يالغالي
كفايه يا أعز الناس ترا و الله ما أقدر
دخليك لا تحيب فيك هذواتي و آمالي
و إذا إنها عالصبر و الله وغلاتك عندي راح اصبر

مشكوور